കൊച്ചി: സംസ്ഥാനത്ത് സ്വര്ണ വിലയില് തുടര്ച്ചയായ രണ്ടാം ദിവസവും കുതിപ്പ്. പവന് 640 രൂപയാണ് ഇന്നു കൂടിയത്. ഒരു പവന് സ്വര്ണത്തിന്റെ വില 58,280 രൂപ. ഗ്രാമിന് 80 രൂപ ഉയര്ന്ന് 7285ല് എത്തി.
ഇന്നലെ പവന് വില അറുന്നൂറു രൂപ ഉയര്ന്നിരുന്നു. രണ്ടു ദിവസത്തിനിടെ സ്വര്ണ വിലയില് ഉണ്ടായത് 1240 രൂപയുടെ വര്ധന. കഴിഞ്ഞ ഒന്പതു ദിവസത്തിനിടെ രണ്ടായിരത്തിലേറെ രൂപയാണ് പവന് കൂടിയത്.ഈ മാസത്തിന്റെ തുടക്കത്തില് 57,200 രൂപയായിരുന്നു പവന് വില. പിന്നീട് വില താഴ്ന്നെങ്കിലും തിരിച്ചു കയറുകയായിരുന്നു.
