വലിയകുന്ന് താലൂക് ആശുപത്രിയിൽ ഭിന്നശേഷി കുട്ടികൾക്കുള്ള മെഡിക്കൽ ക്യാമ്പ് നാളെ

ആറ്റിങ്ങൽ : സമഗ്ര ശിക്ഷാ കേരളം ആറ്റിങ്ങൽ കിളിമാനൂർ ബിആർസി കൾ സംയുക്തമായി ഭിന്നശേഷി കുട്ടികൾക്കുള്ള മെഡിക്കൽ ക്യാമ്പ് സംഘടിപ്പിക്കുന്നു. ജൂലൈ 12നു രാവിലെ 9 മണിക്ക് വലിയകുന്ന് താലൂക്ക് ആശുപത്രിയിൽ ആറ്റിങ്ങൽ മുനിസിപ്പാലിറ്റി ചെയർപേഴ്സൺ അഡ്വ എസ് കുമാരി ഉദ്ഘാടനം നിർവഹിക്കും. നഗരസഭ വിദ്യാഭ്യാസ സ്റ്റാൻഡിങ് കമ്മിറ്റി ചെയർപേഴ്സൺ എസ് ഗിരിജ അധ്യക്ഷത വഹിക്കും. വൈസ് ചെയർമാൻ ജി തുളസീധരൻ പിള്ള, ആരോഗ്യ സ്റ്റാൻഡിങ് കമ്മിറ്റി ചെയർപേഴ്സൺ രമ്യ സുധീർ, വലിയകുന്ന് താലൂക് ആശുപത്രി സൂപ്രണ്ട് ഡോ പ്രീത സോമൻ, എസ്. എസ്. കെ തിരുവനന്തപുരം ജില്ലാ പ്രോഗ്രാം ഓഫീസർ ബി ശ്രീകുമാരൻ, ആറ്റിങ്ങൽ ഡിഇഒ ബിന്ദു, വാർഡ് മെമ്പർ താഹിർ, ആറ്റിങ്ങൽ എ. ഇ. ഒ വിജയകുമാരൻ നമ്പൂതിരി, കിളിമാനൂർ ബിആർസി ബിപിസി സാബു വി. ആർ, എച്ച്ഡിസി മെമ്പർ രവീന്ദ്രൻ നായർ എന്നിവർ പങ്കെടുക്കും. ആറ്റിങ്ങൽ ബിആർസി ബിപിസി പി സജി സ്വാഗതവും ആറ്റിങ്ങൽ ബിആർസി സിആർസിസി സീന എസ് എം നന്ദി രേഖപ്പടുത്തും.