വായന പക്ഷാചരണത്തിന്റെ ഭാഗമായി ഇടയ്ക്കോട് മംഗളോദയം ഗ്രന്ഥശാലയിൽ കെ ദാമോദരൻ, പി എൻ പണിക്കർ, ഐ വി ദാസ് എന്നിവരുടെ അനുസ്മരണവും എസ് എസ് എൽ സി, പ്ലസ് ടു പരീക്ഷകളിൽ ഉന്നത വിജയം നേടിവർക്ക് അനുമോദനവും സംഘടിപ്പിച്ചു.
ലൈബ്രറി കൗൺസിൽ ജില്ലാ പ്രസിഡന്റ് അഡ്വ എൻ സായികുമാർ അനുസ്മരണ പ്രഭാഷണം നടത്തി. അനുമോദനയോഗം പഞ്ചായത്ത് പ്രസിഡന്റ് ഷൈനി വി നിർവഹിച്ചു. ഗ്രന്ഥശാല പ്രസിഡന്റ് കെ എസ് സജികുമാർ അധ്യക്ഷനായി. യോഗത്തിൽ ഗ്രന്ഥശാല സംഘം താലൂക്ക് കൗൺസിൽ അംഗം ബി രാമഭായ്, സെക്രട്ടറി കെ അനിൽകുമാർ, ബ്ലോക്ക് പഞ്ചായത്ത് മെമ്പർ നന്ദുരാജ് കെ, രവികുമാർ എന്നിവർ സംസാരിച്ചു. എസ് രാജശേഖരൻ നന്ദിയും അറിയിച്ചു.
