വീട്ടിൽ അതിക്രമിച്ചു കയറി ഗുണ്ടാ ആക്രമണം നടത്തിയ കേസിലെ മുഖ്യ പ്രതി അറസ്റ്റിൽ

Oct 13, 2021

ചിറയിൻകീഴ്: വീട്ടിൽ അതിക്രമിച്ചു കയറി ഗുണ്ടാ ആക്രമണം നടത്തിയ കേസിലെ മുഖ്യ പ്രതി അറസ്റ്റിൽ. കടയ്ക്കാവൂർ തൊണ്ടലിൽ ദേവി ക്ഷേത്രത്തിനു സമീപം, വയലിൽ പുത്തൻ വീട്ടിൽ വിജയകുമാറിന്റെ മകൻ വിജേഷ് (25) ആണ് പിടിയിലായത്.

ചിറയിൻകീഴ് ആൽത്തറമൂട് കൃഷ്ണൻകോവിലിനു സമീപം കാളിയൻ വിളാകം വീട്ടിൽ വൈശാഖിന്റെ വീടാണ് പ്രതിയുടെ നേതൃത്വത്തിലുള്ള സംഘം അടിച്ചു തകർത്തത്. വീടിന്റെ ജനാലകളും, മീറ്റർ ബോക്സും, മുറ്റത്തിരുന്ന ആക്ടിവ സ്കൂട്ടറും, സൈക്കിളുമാണ് പ്രതികൾ തകർത്തത്. ഒരു ലക്ഷം രൂപയുടെ നഷ്ടം ഉണ്ടായതായി പരാതിക്കാരൻ ആരോപിക്കുന്നു.

സംഭവത്തിന്‌ ശേഷം കൊല്ലത്തുള്ള ബന്ധു വീട്ടിൽ ഒളിവിൽ കഴിയുകയായിരുന്ന പ്രതിയെ ചിറയിൻകീഴ് എസ്എച്ച്ഒ ജി.ബി.മുകേഷിന് കിട്ടിയ രഹസ്യ വിവരത്തിന്റെ അടിസ്ഥാനത്തിൽ ചിറയിൻകീഴ് എസ് ഐ വിനീഷ് വി എസ്, ASI ദിലീപ്, ASI ഷജീർ, SCPO, അഷിം, SCPO സന്തോഷ്‌ ലാൽ,cpo മാരായ സുനിൽ രാജ്, സുധീർ,അനസ് എന്നിവർ ചേർന്ന് അറസ്റ്റ് ചെയ്തു. പ്രതിയെ സംഭവ സ്ഥലത്തു എത്തിച്ചു തെളിവെടുപ്പ് നടത്തിയ ശേഷം ആറ്റിങ്ങൽ JFMC 3 കോടതിയിൽ ഹാജരാക്കി. മറ്റു പ്രതികൾക്കായുള്ള അന്വേഷണം പോലീസ് ഊർജിതമാക്കിയിട്ടുണ്ട്.

LATEST NEWS
കെ. രാധ (78) അന്തരിച്ചു

കെ. രാധ (78) അന്തരിച്ചു

ആറ്റിങ്ങൽ: തോട്ടവാരം കുരുവിള വീട്ടിൽ (വി.എസ്.ആർ.എ:156) പരേതനായ വി സദാനന്ദന്റെ സഹധർമ്മിണി കെ...

തിരുവനന്തപുരത്ത് നിയമ വിദ്യാർത്ഥിനിയെ വിവാഹം കഴിച്ച് കബളിപ്പിച്ചെന്നെ പരാതിയിൽ യുവാവ് അറസ്റ്റിൽ

തിരുവനന്തപുരത്ത് നിയമ വിദ്യാർത്ഥിനിയെ വിവാഹം കഴിച്ച് കബളിപ്പിച്ചെന്നെ പരാതിയിൽ യുവാവ് അറസ്റ്റിൽ

തിരുവനന്തപുരത്ത് നിയമ വിദ്യാർത്ഥിനിയെ വിവാഹം കഴിച്ച് കബളിപ്പിച്ചെന്നെ പരാതിയിൽ യുവാവ് അറസ്റ്റിൽ....