ന്യൂഡല്ഹി: കേരള ഹൈക്കോടതിയിലെ മൂന്ന് അഡീഷണല് ജഡ്ജിമാരെ സ്ഥിരം ജഡ്ജിമാരാക്കാന് സുപ്രീംകോടതി കൊളീജിയം ശുപാര്ശ നല്കി. ചീഫ് ജസ്റ്റിസ് ഡി വൈ ചന്ദ്രചൂഡിന്റെ അധ്യക്ഷതയില് ഇന്നു ചേര്ന്ന കൊളീജിയമാണ് ഈ തീരുമാനമെടുത്തത്.
നിലവില് കേരള ഹൈക്കോടതിയില് അഡീഷണല് ജഡ്ജിമാരായ, ജസ്റ്റിസ് അബ്ദുള് റഹിം മുസലിയാര് ബദറുദ്ദീന്, ജസ്റ്റിസ് വിജു അബ്രഹാം, ജസ്റ്റിസ് മുഹമ്മദ് നിയാസ് സി പി എന്നിവര്ക്കാണ് സ്ഥാനക്കയറ്റം നല്കാന് ശുപാര്ശ ചെയ്തിട്ടുള്ളത്.
നിലവില് കേരള ഹൈക്കോടതിയില് 37 ജഡ്ജിമാരാണ് ഉള്ളത്. 47 ജഡ്ജിമാര് വേണ്ട സ്ഥാനത്താണിത്.
