നെടുമങ്ങാട് – ഉഴമലയ്ക്കൽ പരുത്തി കുഴിയിൽ ഭർത്താവും ഭാര്യയും ആത്മഹത്യ ചെയ്തു.
പരുത്തിക്കുഴി സ്വദേശികളായ രാജേഷ് (38), അപർണ (26) എന്നിവരാണ് മരിച്ചത്. രണ്ട് പേരും തമ്മിൽ ഒരാഴ്ചയായി ചില സൗന്ദര്യ പിണക്കങ്ങൾ കാരണം മാറി താമസിക്കുകയായിരുന്നു. അപർണ്ണയുടെ വീട്ടിൽ ഇന്നലെ വൈകിട്ട് വന്ന് രാജേഷ് അപർണയേയും മകളെയും വിളിച്ചു. എന്നാൽ അപർണ്ണ പോകാൻ കൂട്ടാക്കിയില്ല. തുടർന്ന് രാത്രിയിൽ രാജേഷ് വീട്ടിൽ വന്ന് മുറിക്കുള്ളിൽ തൂങ്ങി മരിച്ചു.
ഇന്ന് രാവിലെ അപർണ വിവരം അറിയുകയും അപർണയുടെ വീട്ടിൽ കയറി ആസിഡ് എടുത്ത് കുടിച്ചു. ഉടനെ നെടുമങ്ങാട് ജില്ലാ ആശുപത്രിയിലും പിന്നീട് തിരുവനന്തപുരം മെഡിക്കൽ കോളേജ് ആശുപത്രിയിൽ ഐ സി യു -ൽ പ്രവേശിപ്പിച്ചു.
ഒരു മണിയോടെ അപർണ മരണപ്പെട്ടു. വലിയമല പോലീസ് കേസെടുത്തു.
