ഡല്ഹി: പ്രവാസികള്ക്ക് ഇനി ഇന്റര്നാഷണല് മൊബൈല് നമ്പര് ഉപയോഗിച്ചും ഇന്ത്യയിൽ യുപിഐ ഇടപാട് നടത്താം. പ്രവാസി ഉപഭോക്താക്കളുടെ ഇടപാടുകള് സുഗമമാക്കാന് ഐസിഐസിഐ ബാങ്ക് ആണ് പുതിയ സംവിധാനം ഒരുക്കിയത്.
ഐസിഐസിഐ ബാങ്കില് അക്കൗണ്ടുള്ള പ്രവാസികള്ക്ക് ഇന്റര്നാഷണല് മൊബൈല് നമ്പര് ഉപയോഗിച്ചും ഇന്ത്യയില് യുപിഐ ഇടപാടുകള് നടത്താന് കഴിയുന്നതാണ് സംവിധാനം. യൂട്ടിലിറ്റി ബില്ലുകള്, ഇ-കോമേഴ്സ് ഇടപാടുകള് അടക്കം പ്രവാസികള്ക്ക് ഇതുവഴി നിര്വഹിക്കാന് സാധിക്കും. ഇന്റര്നാഷണല് മൊബൈല് നമ്പര് എന്ആര്ഇ/ എന്ആര്ഒ അക്കൗണ്ടുമായി ബന്ധിപ്പിച്ചിരിക്കുന്നതായിരിക്കണം എന്ന വ്യവസ്ഥ മാത്രമെന്ന് ഐസിഐസിഐ ബാങ്ക് അറിയിച്ചു.
