ഐ. എച്ച്.ആർ.ഡി. ഡയറക്ടർ ഇൻ ചാർജിൻ്റെ ജീവനക്കാർക്കെതിരായ ദ്രോഹനടപടികളിൽ പ്രതിഷേധിച്ച് അദ്ദേഹത്തെ തൽസ്ഥാനത്ത് നിന്ന് നീക്കം ചെയ്യണമെന്നാവശ്യപ്പെട്ടുകൊണ്ട് ഐ .എച്ച്. ആർ. ഡി. എംപ്ലോയീസ് യൂണിയൻ നേതൃത്വത്തിൽ ചാക്കയിലെ ഹെഡ് ക്വാർട്ടേഴ്സിന് മുന്നിൽ നടന്ന ഉപരോധ സമരം CPI (M) ജില്ലാ കമ്മറ്റി അംഗം അഡ്വ: എസ്. പി. ദീപക് ഉദ്ഘാടനം ചെയ്തു.
ജീവനക്കാർക്കെതിരായ പ്രതികാര നടപടികളുമായി മുന്നോട്ടു പോകുന്ന ഡയറക്ടർ ഇൻ- ചാർജിന് ഒരു നിമിഷം പോലും തൽസ്ഥാനത്ത് തുടരാൻ കഴിയില്ലെന്ന് അഡ്വ: എസ്.പി. ദീപക് പറഞ്ഞു. വിവിധ സർവ്വീസ് സംഘടനാ യൂണിയൻ നേതാക്കളായ വിനു, മുജീബ്, അനു, മൻസൂർ എംപ്ലോയീസ് യൂണിയൻ നേതാക്കളായ കെ. ബിജു മോൻ , റ്റി. എൻ. പ്രേംകുമാർ , ബേസിൽ ഗോമസ് ,എൽ. ഷാജി തുടങ്ങിയവർ പങ്കെടുത്തു.
