ചെന്നൈ: ഐപിഎല്ലില് ചെന്നൈ സൂപ്പര് കിങ്സിനെതിരായ മത്സരത്തില് കുറഞ്ഞ ഔവര്നിരക്കിന്റെ പേരില് ഗുജറാത്ത് ടൈറ്റന്സ് ക്യാപ്റ്റന് ശുഭ്മാന് ഗില്ലിന് 12 ലക്ഷം രൂപ പിഴ. ഈ സീസണില് ഓവര് നിരക്കിന്റെ പേരില് ആദ്യം പിഴ നേരിടുന്ന ടീമാണ് ടൈറ്റന്സ്.
‘ഇന്നലെ ചെന്നൈയിലെ എംഎ ചിദംബരം സ്റ്റേഡിയത്തില് ചെന്നൈ സൂപ്പര് കിങ്സിനെതിരായ ഐപിഎല് മത്സരത്തിനിടെ ടീമിന്റെ കുറഞ്ഞ ഓവര് നിരക്കിന്റെ പേരില് ഗുജറാത്ത് ടൈറ്റന്സ് ക്യാപ്റ്റന് ശുഭ്മാന് ഗില്ലിന് പിഴ ചുമത്തി. മിനിമം ഓവര് റേറ്റ് നിയമലംഘനങ്ങളുമായി ബന്ധപ്പെട്ട ഐപിഎല് പെരുമാറ്റച്ചട്ടം അനുസരിച്ച് ഈ സീസണിലെ ആദ്യത്തെ നടപടിയായി ഗില്ലിന് 12 ലക്ഷം രൂപ പിഴ ചുമത്തി,’ ഐപിഎല് ഔദ്യോഗിക പ്രസ്താവനയില് പറഞ്ഞു.
