ഭരതന്നൂർ വലിയ ഏലായിൽ രണ്ട് ദിവസമായി തലയിൽ കുടുങ്ങിയ പ്ലാസ്റ്റിക് കുപ്പിയുമായി അലഞ്ഞ് നടന്ന നായയെ മണിക്കൂറുകൾ കൊണ്ട് പിടിച്ച് കെട്ടി പ്ലാസ്റ്റിക് കുപ്പി അറുത്ത് മാറ്റി കടയ്ക്കൽ ഫയർ& റസ്ക്യൂ ടീം. ആറ് കുട്ടികളുമായി പ്രസവിച്ച് കിടന്ന പട്ടിയാണ് ഈ അപകടത്തിൽപ്പെട്ടത്. ആഹാരം കഴിക്കാനോ കുട്ടികൾക്ക് പാൽ കൊടുക്കാനോ സാധിക്കാതെ അസ്വസ്ഥതയോടെ ഓടി നടക്കുന്നത് കണ്ടാണ് നാട്ടുകാർ ഫയർഫോഴ്‌സിനെ വിവരം അറിയിച്ചത്.
