ആറ്റിങ്ങൽ: ആലംകോട് മേഖലയിൽ കഴിഞ്ഞ 5 ദിവസമായി കുടിവെള്ള വിതരണം നിലച്ചതായി പരാതി. വാട്ടർ അതോറിറ്റി അധികൃതർക്ക് പല തവണ പരാതി നൽകിയിട്ടും നടപടി ഉണ്ടായില്ലെന്ന് നാട്ടുകാർ പറയുന്നു. വിവരം തിരക്കുമ്പോഴെല്ലാം മുടന്തൻ ന്യായങ്ങൾ പറഞ്ഞു അധികൃതർ ഒഴിയുകയാണെന്ന ആക്ഷേപവുമുണ്ട്.
പൂവൻപാറ പാലത്തിലെ നടപ്പാതയിലുള്ള സ്ലാബിനടിയിൽ നിന്നും പൈപ്പുപൊട്ടി വെള്ളം പുറത്തേക്ക് ഒഴുകുകയാണ്. ഇത് നന്നാക്കുന്ന പ്രവർത്തങ്ങൾ പുരോഗമിക്കുകയാണ്. കുടിവെള്ള വിതരണം തടസപ്പെടാൻ കാരണം പൈപ്പ് പൊട്ടിയതാണെങ്കിൽ അത് ഏതാര്യമ വേഗം നന്നാക്കി ജലവിതരണം അടിയന്തരമായി പുനസ്ഥാപിക്കണമെന്ന ആവശ്യത്തിലാണ് പ്രദേശവാസികൾ.
