സംസ്ഥാനത്ത് സ്വര്ണവില ഈ മാസത്തെ ഏറ്റവും ഉയര്ന്ന നിലയില്. പവന് 600 രൂപ വര്ധിച്ചതോടെയാണ് സ്വര്ണവില ഈ മാസത്തെ ഏറ്റവും ഉയര്ന്ന നിലവാരത്തില് എത്തിയത്. 57,640 രൂപയാണ് ഒരു പവന് സ്വര്ണത്തിന്റെ വില. ഗ്രാമിന് 75 രൂപയാണ് വര്ധിച്ചത്. 7205 രൂപയാണ് ഒരു ഗ്രാം സ്വര്ണത്തിന്റെ വില. ഇന്നലെയും സ്വര്ണവില ഉയര്ന്നിരുന്നു.
ഈ മാസത്തിന്റെ തുടക്കത്തില് 57,200 രൂപയായിരുന്നു ഒരു പവന് സ്വര്ണത്തിന്റെ വില. രണ്ടിന് 56,720 രൂപയായി താഴ്ന്ന് ഈ മാസത്തെ ഏറ്റവും താഴ്ന്ന നിലവാരത്തിലേക്കും സ്വര്ണവില എത്തി. പിന്നീട് ഉയര്ന്ന വിലയില് തുടര്ന്നുള്ള ദിവസങ്ങളില് ചാഞ്ചാട്ടമാണ് ദൃശ്യമായത്. എന്നാല് കഴിഞ്ഞ ദിവസം മുതല് വീണ്ടും വില ഉയരുകയായിരുന്നു.
