ആറ്റിങ്ങൽ സബ് ജില്ലയിലെ ഈ വർഷത്തെ ശാസ്ത്ര മേളയിൽ എൽ പി വിഭാഗം ഓവറാൾ ഒന്നാം സമ്മാനം നേടി ഗവ. യു പി എസ് മാതശ്ശേരിക്കോണം ഡയറ്റ് ആറ്റിങ്ങലുമായി പങ്കു വച്ചു. കലോൽസവ ഉദ്ഘാടനത്തോടനുബന്ധിച്ച് ശാസ്ത്രമേള വിജയികൾക്ക് അഴൂർ ഗ്രാമപഞ്ചായത്ത് പ്രസിഡൻറ് ആർ അനിൽ, വിദ്യാഭ്യാസ സ്റ്റാൻഡിങ് കമ്മിറ്റി ചെയർമാൻ ഷാജഹാൻ, വാർഡ് മെമ്പർ ബി. മനോഹരൻ എന്നിവർ വിജയികൾക്ക് ട്രോഫികൾ വിതരണം ചെയ്തു. എസ് എം സി ചെയർമാൻ ബിപിൻ അധ്യക്ഷനായി. ഹെഡ്മിസ്ട്രസ്സ് ബീന സ്വാഗതവും സീനിയർ അസിസ്റ്റൻറ് മുഹമ്മദ് റാഫി കൃതജ്ഞതയും അറിയിച്ചു.
