മാതൃഭൂമി സ്പോർട്‌സ് എഡിറ്റര്‍ പി ടി ബേബി അന്തരിച്ചു

കൊച്ചി: മാതൃഭൂമി സ്പോർട്‌സ് എഡിറ്റര്‍ പി ടി ബേബി (50) അന്തരിച്ചു. ശനിയാഴ്ച വൈകീട്ട് 4.40ന് കോലഞ്ചേരി മെഡിക്കല്‍ മിഷന്‍ ആശുപത്രിയിലായിരുന്നു അന്ത്യം. ഏറെനാളായി ചികിത്സയിലായിരുന്നു. 1996-ല്‍ മാതൃഭൂമിയില്‍ ചേര്‍ന്ന ബേബി മാതൃഭൂമിയുടെ കൊച്ചി, കോഴിക്കോട്, കണ്ണൂര്‍ എഡിഷനുകളില്‍ ജോലി ചെയ്തിട്ടുണ്ട്. മാതൃഭൂമിക്കു വേണ്ടി ലണ്ടന്‍ ഒളിമ്പികസ്, 2018 റഷ്യ ലോകകപ്പ് ഫുട്ബോള്‍, 2011 ഏകദിന ക്രിക്കറ്റ് ലോകകപ്പ്, ദേശീയ ഗെയിംസ്, ഐപിഎല്‍, സന്തോഷ് ട്രോഫി തുടങ്ങിയ മത്സരങ്ങള്‍ റിപ്പോര്‍ട്ട് ചെയ്തിട്ടുണ്ട്. എറണാകുളം പിറവം സ്വദേശിയാണ്.
അച്ഛന്‍: തോമസ്.
അമ്മ: റാഹേല്‍.
ഭാര്യ: പരേതയായ സിനി, മക്കള്‍: ഷാരോണ്‍, ഷിമോണ്‍.