15 ഗ്രാം എംഡിഎംഎയുമായി രണ്ടുപേരെ വിഴിഞ്ഞം പോലീസ് അറസ്റ്റ് ചെയ്തു. ആനാവൂർ സ്വദേശി അരുൺ വിഴിഞ്ഞം സ്വദേശി ജൂഡ് എന്നിവരെയാണ് പോലീസ് പിടികൂടിയത്. ബാംഗ്ലൂരിൽ നിന്നും അരുൺ മയക്കുമരുന്ന് ശേഖരിച്ച് വിഴിഞ്ഞത്ത് വന്ന് ജൂഡിന് കൈമാറാൻ ശ്രമിക്കവെയാണ് പോലീസ് ഇവരെ പിടികൂടിയത്. വിഴിഞ്ഞത്തും പരിസരപ്രദേശങ്ങളിലും സ്കൂൾ വിദ്യാർത്ഥികൾക്കടക്കം ലഹരി മരുന്ന് യഥേഷ്ടം വിതരണം ചെയ്യുന്ന പ്രധാന കണ്ണിയാണ് ജൂഡ് എന്ന് പോലീസ്. ഇവരോടൊപ്പം ഉണ്ടായിരുന്ന ഇടുക്കി സ്വദേശിയും പോലീസ് കസ്റ്റഡിയിലാണ്. ദിവസങ്ങളായി ഇവർ പോലീസ് നിരീക്ഷണത്തിലായിരുന്നു.
