മെഡിക്കൽ ക്യാമ്പും സൗജന്യ രക്ത പരിശോധനയും നടത്തി

ആറ്റിങ്ങൽ ലയൺസ് ക്ലബ്ബിന്റെയും സർക്കാർ ഹോമിയോ ആശുപത്രി ആറ്റിങ്ങലിന്റെയും ആഭിമുഖ്യത്തിൽ സംഘടിപ്പിച്ച മെഡിക്കൽ ക്യാമ്പും സൗജന്യ രക്ത പരിശോധനയും അംബേദ്കർ മെമ്മോറിയൽ ഗവ യുപി സ്കൂൾ കോരാണിയിൽ വച്ച് നടത്തി. ആറ്റിങ്ങൽ ആശുപത്രിയിൽ പ്രവർത്തിക്കുന്ന 7 സ്പെഷ്യാലിറ്റി ഒപിയിലെ ഡോക്ടർമാരും പങ്കെടുത്തു.
ആറ്റിങ്ങൽ ആശുപത്രി ആർഎംഒ ഹോമിയോപ്പതിയുടെ സാധ്യതകളെയും ഡിപ്പാർട്ട്മെന്റ് പദ്ധതികളെയും കുറിച്ച് ബോധവൽക്കരണ ക്ലാസും നൽകി. സീതാലയം സൈക്കോളജിസ്റ്റ് അഷ്ടമി കുട്ടികളുടെ സ്വഭാവരൂപീകരണത്തിൽ രക്ഷകർത്താക്കളുടെ പങ്ക് എന്ന വിഷയത്തിൽ ക്ലാസും എടുത്തു.