മലയാളവേദിയുടെ 201മത് പ്രതിമാസ കൂട്ടായ്മ നാവായിക്കുളം എൻഎസ്എസ് കരയോഗ മന്ദിരഹാളിൽ നടന്നു. മഹാനടൻ സത്യൻ, പ്രശസ്ത ഗായിക വാണിജയറാം എന്നിവരെ കൂട്ടായ്മ അനുസ്മരിച്ചു. സത്യന്റെ അഭിനയ മുഹൂർത്തങ്ങളെ കുറിച്ച് കവിയും സിനിമാഗാനരചയിതാവും നടനുമായ കാര്യവട്ടം ശ്രീകണ്ഠൻനായർ അനുസ്മരണ പ്രഭാഷണം നടത്തി. എ വി ബാഹുലേയൻ വാണിജയറാമിനെ അനുസ്മരിച്ച് സംസാരിച്ചു.
ഡോ. അശോക് ശങ്കർ, ചാന്നാങ്കര പ്രകാശ്, ഓരനെല്ലൂർ ബാബു, രാമചന്ദ്രൻ കരവാരം, അനിൽ പൂതക്കുഴി, വസന്തകുമാരി, ചന്ദ്രികാകുമാരി, അജിത പ്രഭ, ശ്രീകണ്ഠൻ കല്ലമ്പലം, നൂർ മുഹമ്മദ് തുടങ്ങിയവർ പങ്കെടുത്തു. തുടർന്ന് കാവ്യ- ഗാനാലാപനവും നടന്നു.
