ഏപ്രിൽ 6 മുതൽ ഏപ്രിൽ 14 വരെ നടക്കുന്ന ബി.ജെ.പി പതിനാലാം ജൻമദിനത്തിൻ്റെ ഭാഗമായി നടക്കുന്ന വിവിധ പരിപാടിയുടെ ഭാഗമായി ബി.ജെ.പി. ഇരുപത്തിയെട്ടാംമൈൽ വാർഡ് കമ്മറ്റിയുടെ ആഭിമുഖ്യത്തിൽ കാട് പിടിച്ച് ജനങ്ങൾക്ക് കാൽനടയാത്ര പോലും ബുദ്ധിമുട്ടായി മാറിയ മുമ്മൂലി തോടും പരിസരവും വൃത്തിയാക്കി.
ബി.ജെ.പി. നാവായിക്കുളം മണ്ഡലം പ്രസിഡൻ്റ് സജി.പി.മുല്ലനല്ലൂർ ഉദ്ഘാടനം ചെയ്തു. ഇരുപത്തിയെട്ടാംമൈൽ വാർഡ് മെമ്പർ പൈവേലിക്കോണം ബിജു, വാർഡ് കൺവീനർ അനിൽ കുമാർ, ബി.ജെപി.നേതാക്കളായ സുദേവൻ ജി,അശോകൻ, അജയൻ ആലുംകുന്ന്, ഗോപിനാഥൻ, മുരുകൻ.ജി എന്നിവർ ശുചീകരണ പ്രവർത്തനത്തിന് നേതൃത്വം നൽകി. ഏകദേശം അൻപതോളം മദ്യകുപ്പികളാണ് റോഡ് സൈഡിൽ നിന്ന് ലഭിച്ചത്.
