ആറ്റിങ്ങൽ: ജനകീയ മന്ത്രിസഭ ജനങ്ങളിലേക്ക് എന്ന മുദ്രാവാക്യം ഉയർത്തിപ്പിടിച്ചുകൊണ്ട് കേരള സർക്കാർ സംഘടിപ്പിക്കുന്ന നവ കേരള സദസ് ഡിസംബർ 21 ന് ചിറയിൻകീഴിൽ എത്തിച്ചേരുന്നു. നവ കേരള സദസിന്റെ പ്രചരണാർത്ഥം സിപിഐഎം അഞ്ചുതെങ്ങ് ലോക്കൽ കമ്മിറ്റി ഡിസംബർ 9 നു വൈകുന്നേരം 5 മണിക്ക് അഞ്ചുതെങ്ങ് ജംഗ്ഷനിൽ സ്നേഹ സന്ധ്യ സംഘടിപ്പിക്കുന്നു.
സിപിഐഎം കേന്ദ്ര കമ്മിറ്റി അംഗം കെ കെ ഷൈലജ ടീച്ചർ സ്നേഹ സന്ധ്യ ഉദ്ഘാടനം ചെയ്യും. ചടങ്ങിൽ കേരള സർവകലാശാല യൂണിയൻ ചെയർമാനായി തിരഞ്ഞെടുക്കപ്പെട്ട വിജയ് വിമലിനെ അനുമോദിക്കും. സിപിഎം ജില്ലാ സെക്രട്ടറി അഡ്വ. വി. ജോയി എം എൽ എ, ആർ. രാമു, ആർ സുഭാഷ്, അഡ്വ. ഷൈലജ ബീഗം, അഡ്വ എസ് ലെനിൻ, സി പയസ്, അഞ്ചുതെങ്ങ് സുരേന്ദ്രൻ, വി ലൈജു, ആർ ജെറാൾഡ്, ലിജാ ബോസ് എന്നിവർ പങ്കെടുക്കും.
