ആറ്റിങ്ങൽ: ആറ്റിങ്ങൽ നഗരസഭ അമ്പലമുക്ക് പതിമൂന്നാം വാർഡിൽ എൻ സി ഡി ക്ലിനിക് പ്രവർത്തനമാരംഭിച്ചു. എല്ലാമാസവും മൂന്നാമത്തെ ശനിയാഴ്ചകളിൽ അവനവഞ്ചേരി മുരളി സ്മാരക ഗ്രന്ഥ ശാലയിൽ പ്രവർത്തിക്കുന്ന ക്ലിനിക്കിൽ വാർഡിൽ പതിനെട്ടു വയസ്സ് മുതൽ അറുപതു വയസ്സ് വരെയുള്ള അംഗങ്ങൾക്ക് ഷുഗർ, ബി. പി, എന്നിവ സൗജന്യമായി പരിശോധിച്ച് രോഗനിർണ്ണയം നടത്തുകയാണ് ചെയ്യുന്നത്.
ആരോഗ്യമുള്ള ഒരു സമൂഹത്തെ കെട്ടിപ്പെടുക്കുക എന്നതാണ് പദ്ധതി കൊണ്ട് നഗരസഭ ലക്ഷ്യമിടുന്നത്. വാർഡ് കൗൺസിലർ കെ. ജെ. രവികുമാർ ക്ലിനിക് ഉദ്ഘാടനം ചെയ്തു. ആശവർക്കർ ഷൈലദാസ്, ഗ്രന്ഥശാല വൈസ് പ്രസിഡന്റ് ഗീത, എ കെ ജി റെസിഡൻസ് ഭാരവാഹി സജു, വാർഡ് വികസനസമിതി അംഗം പി. ജയചന്ദ്രൻ നായർ, ആറ്റിങ്ങൽ ഗവണ്മെന്റ് താലൂക്ക് ആശുപത്രിയിയിലെ ജീവനക്കാർ തുടങ്ങിയവർ ആശംസകൾ അറിയിച്ചു കൊണ്ട് സംസാരിച്ചു.
