റിയാദ്: കോവിഡിന്റെ പുതിയ വകഭേദമായ ഒമിക്രോണ് സൗദി അറേബ്യയില് സ്ഥിരീകരിച്ചു. ഒരു വടക്കന് ആഫ്രിക്കന് രാജ്യത്ത് നിന്നെത്തിയ യാത്രികനാണ് വകഭേദം സ്ഥിരീകരിച്ചതെന്ന് സൗദി വാര്ത്താ ഏജന്സി റിപ്പോര്ട്ട് ചെയ്തു.
യാത്രികനേയും ഇയാളുമായി സമ്പര്ക്കം പുലര്ത്തിയവരേയും ഐസൊലേഷനില് പ്രവേശിപ്പിച്ചിരിക്കുകയാണെന്ന് അധികൃതര് വ്യക്തമാക്കി.
മലാവി, സാംബിയ, മഡഗസ്ക്കര്, അംഗോള, സീഷെല്സ്, മൗറീഷ്യസ്, കൊമറോസ് എന്നിവിടങ്ങളില് നിന്നുള്ള വിമാന സര്വീസുകള് സൗദി അറേബ്യ റദ്ദാക്കിയിരുന്നു. മറ്റ് രാജ്യങ്ങളില് നിന്നു വരുന്നുവരുടെ ക്വാറന്റീനും സൗദി കര്ശനമാക്കിയിട്ടുണ്ട്.
