ആറ്റിങ്ങൽ വിളയിൽ റസിഡൻസ് അസോസിയേഷന്റെ ഓണാഘോഷം വിപുലമായി ആഘോഷിച്ചു. സാഹിത്യ, ചിത്ര രചനാ മത്സരങ്ങൾ ഉത്രാടനാളിലും കലാകായിക മത്സരങ്ങൾ തിരുവോണ നാളിലും നടന്നു. വൈകുന്നേരം 6 മണിക്ക് വി ആർ എ പ്രസിഡന്റ് ഉണ്ണി ആറ്റിങ്ങലിന്റെ അധ്യക്ഷതയിൽ കൂടിയ സമാപന സമ്മേളനം നഗരസഭാ ചെയർപേഴ്സൺ അഡ്വ: എസ്.കുമാരി ഉദ്ഘാടനം ചെയ്തു.
സി.ജെ. രാജേഷ് കുമാർ സന്നിഹിതനായിരുന്ന ചടങ്ങിൽ വിജയികൾക്കുള്ള സമ്മാന വിതരണം വിദ്യാഭ്യാസ അവാർഡ് വിതരണവും നടന്നു. വി ആർ എ ജനറൽ സെക്രട്ടറി എം ജി മനോജ് സ്വാഗതവും ട്രഷറർ ആർ മണികണ്ഠൻ പിള്ള നന്ദിയും പറഞ്ഞു. തുടർന്ന് വി ആർ എ പ്രതിഭകൾ അവതരിപ്പിച്ച കലാപരിപാടികൾ നടന്നു. ഡാൻസ് വിത്ത് മീ ഫിറ്റ്നെസ് സെന്ററിന്റെ ആഭിമുഖ്യത്തിലായിരുന്നു നൃത്ത പരിപാടികൾ സംഘടിപ്പിച്ചത്.
