തിരുവനന്തപുരം: ഓണക്കാലത്തോട് അനുബന്ധിച്ച് സംസ്ഥാനത്തെ അതിര്ത്തി ചെക്പോസ്റ്റുകളില് വ്യാപക മിന്നല് പരിശോധന. ഓപ്പറേഷന് ട്രഷര് ഹണ്ടിന്റെ ഭാഗമായി 9 അതിര്ത്തി ചെക്പോസ്റ്റിലും മൃഗസംരക്ഷണ വകുപ്പിന്റെ 19 കന്നുകാലി ചെക്പോസ്റ്റിലും മോട്ടോര് വാഹന വകുപ്പിന്റെ 12 ചെക്പോസ്റ്റുകളിലുമാണ് പരിശോധന. ഓണക്കാലത്ത് യാതൊരു പരിശോധനയും കൂടാതെ, കൈക്കൂലി വാങ്ങിച്ച് വാഹനങ്ങള് കടത്തിവിടുന്നു എന്ന രഹസ്യ വിവരത്തിന്റെ അടിസ്ഥാനത്തിലാണ് പരിശോധന. പാറശാല ആര്ടിഒ ചെക്പോസ്റ്റില് നിന്നും 11,900 രൂപ പിടിച്ചെടുത്തിട്ടുണ്ട്.
