ഡല്ഹി: 2024ലെ പത്മ പുരസ്കാരങ്ങള് പ്രഖ്യാപിച്ചു. പത്മവിഭൂഷണ്, പത്മഭൂഷണ്, പത്മശ്രീ ബഹുമതികളാണ് പ്രഖ്യാപിച്ചത്. സുപ്രീംകോടതിയിലെ ആദ്യ വനിതാ ജസ്റ്റിസ് ഫാത്തിമ ബീവി (മരണാനന്തരം), മുന് കേന്ദ്രമന്ത്രിയും ബിജെപിയുടെ മുതിര്ന്ന നേതാവുമായ ഒ രാജഗോപാല് എന്നിവര്ക്ക് പത്മഭൂഷണ് ലഭിച്ചു.
മുന് ഉപരാഷ്ട്രപതി എം വെങ്കയ്യ നായിഡു, നര്ത്തകിയും നടിയുമായ വൈജയന്തിമാല ബാലി, നര്ത്തകി പത്മ സുബ്രഹ്മണ്യം, തെലുങ്ക് നടന് ചിരഞ്ജീവി, സാമൂഹിക പ്രവര്ത്തകന് അന്തരിച്ച ബിന്ദേശ്വര് പാഠക് എന്നിവര്ക്കു പത്മവിഭൂഷണ് ബഹുമതി.
