തിരുവനന്തപുരം: ശ്രീ പത്മനാഭസ്വാമി ക്ഷേത്രം എക്‌സിക്യൂട്ടീവ് ഓഫിസറായി റിട്ടയേഡ് ബ്രിഗേഡിയര്‍ ആനന്ദ് കുമാര്‍ ചുമതലയേറ്റു. ലീഡര്‍ഷിപ്പ്, എച്ച്ആര്‍ മാനേജ്‌മെന്റ്, ജനറല്‍ അഡ്മിനിസ്‌ട്രേഷന്‍, ഇവന്റ് മാനേജ്‌മെന്റ് മേഖലകളില്‍ 35 വര്‍ഷത്തിലേറെ പ്രവര്‍ത്തന പരിചയമുള്ള അദ്ദേഹം, ഇന്ത്യന്‍ ആര്‍മിയുടെ എയര്‍ ഡിഫന്‍സ് വിഭാഗത്തിലാണ് സേവനമനുഷ്ഠിച്ചിരുന്നത്.
നോര്‍ത്ത് ഈസ്റ്റ് മേഖലയില്‍ സ്റ്റേഷന്‍ കമാന്‍ഡറായും, വിരമിക്കുന്നതിന് മുന്‍പ് തിരുവനന്തപുരം എന്‍സിസിയുടെ തലവനായും അദ്ദേഹം പ്രവര്‍ത്തിച്ചിട്ടുണ്ട്. പാചല്ലൂര്‍ സ്വദേശിയായ ബ്രിഗേഡിയര്‍ ആനന്ദ് കുമാര്‍ മികച്ച കായിക താരവും യോഗ പരിശീലകനുമാണ്.
