പാളയംകുന്ന് ഗവ.എച്ച്.എസ്.എസ്സില് നിര്മ്മിച്ച ബഹുനില മന്ദിരങ്ങളുടെ ഉദ്ഘാടനം പൊതുവിദ്യാഭ്യാസ വകുപ്പ് മന്ത്രി വി. ശിവന്കുട്ടി നിര്വ്വഹിക്കും. സംസ്ഥാന സര്ക്കാരിന്റെ പൊതുവിദ്യാഭ്യാസ സംരക്ഷണ യജ്ഞം പദ്ധതിയില് ഉള്പ്പെടുത്തി കിഫ്ബിയില് നിന്നും മൂന്നു കോടി രൂപ ചെലവഴിച്ചാണ് മന്ദിരത്തിന്റെ നിര്മ്മാണം നടത്തിയത്.
നാളെ (നവംബര് 20 ശനിയാഴ്ച) വൈകീട്ട് 3.30 ന് സ്കൂള് അങ്കണത്തില് നടക്കുന്ന ചടങ്ങില് വി .ജോയി എം എല് എ അദ്ധ്യക്ഷത വഹിക്കും. അടൂര് പ്രകാശ് എം പി, ജില്ലാ പഞ്ചായത്ത് പ്രസിഡന്റ് ഡി സുരേഷ്കുമാര്, ത്രിതല പഞ്ചായത്ത് അംഗങ്ങള്, ജനപ്രതിനിധികള്, അദ്ധ്യാപകര്, പി ടി എ അംഗങ്ങള് തുടങ്ങിയവര് പങ്കെടുക്കും.