മദ്യ ലഹരിയിൽ അനിയൻ ചേട്ടനെ വെട്ടി പരിക്കേൽപ്പിച്ചു. ആറ്റിങ്ങൽ മാമത്താണ് സംഭവം. മാമം ചിറ്റാറ്റിൻകര പാറേക്കാട്ടിൽ ഹൗസിൽ രാധാകൃഷ്ണൻ (66) ആണ് പരിക്കേറ്റത്. കഴിഞ്ഞ ദിവസം രാത്രി ചേട്ടൻ നടന്നു പോകുമ്പോൾ ഓട്ടോയിൽ വരികയായിരുന്ന അനുജൻ ഹരികുമാർ (55) കൂട്ടികൊണ്ടു വന്നില്ല എന്ന കാരണത്താൽ ആണ് വാക്കേറ്റം ഉണ്ടായത്. തുടർന്ന് വെട്ടേൽക്കുകയായിരുന്നു. സാരമായ പരിക്കേറ്റ രാധാകൃഷ്ണനെ ആദ്യം വലിയകുന്നു ഹോസ്പിറ്റലിലും തുടർന്ന് തിരുവനന്തപുരം മെഡിക്കൽ കോളേജിലും പ്രവേശിപ്പിച്ചു.
