കിളിമാനൂർ: കഴിഞ്ഞ ദിവസം രാത്രി പതിനൊന്ന് മണിയോടെ കിളിമാനൂർ ഇന്ദ്രപ്രസ്ഥ ബാറിന് മുന്നിലായിരുന്നു സംഘർഷം. ബാറിൽ നിന്ന് മദ്യപിച്ചിറങ്ങിയ ഒരു കൂട്ടം ആൾക്കാർ തമ്മിൽ അടിപിടി കൂടുകയായിരുന്നു. തുടർന്ന് ബാർ ജീവനക്കാർ പൊലീസിൽ വിവരം അറിയിച്ചതിൻ്റെ അടിസ്ഥാനത്തിൽ കിളിമാനൂർ പൊലീസ് സ്ഥലത്തെത്തി അടിപിടി തടയുന്നതിനിടയിൽ ഇവർ പൊലീസിനെ ആക്രമിക്കുകയും കിളിമാനൂർ പൊലീസ് സി.പി.ഒ കിരണിന് പരിക്കേൽക്കുകയായിരുന്നു. തുടർന്ന് കിളിമാനൂർ സി.ഐ സനൂജിൻ്റെ നേതൃത്വത്തിൽ കൂടുതൽ പൊലീസ് സ്ഥലത്തെത്തി അക്രമികളെ പിടികൂടുകയായിരുന്നു. ഇരുപത്തിയഞ്ചോളം പേർ ആക്രമണത്തിൽ ഉണ്ടായിരുന്നെങ്കിലും ആറ് പേരെ മാത്രമാണ് പൊലീസിന് പിടികൂടാൻ കഴിഞ്ഞത്. ബാക്കിയുള്ളവർ ഓടി രക്ഷപ്പെടുകയായിരുന്നു. തട്ടത്തുമല വട്ടപ്പച്ച കോളനിയിലെ മനു , വിനോദ് , അനീഷ് , സുജിത്ത് , സുമേഷ് , അഭിലാഷ് തുടങ്ങിയവരാണ് പൊലിസ് കസ്റ്റഡിയിൽ ഉള്ളത്. പരിക്കേറ്റ സി.പി.ഒ കിരണിനെ കേശവപുരം കമ്യൂണിറ്റി ഹെൽത്ത് സെൻ്റെറിൽ പ്രവേശിച്ചിപ്പിച്ച് പ്രഥമ ശുശ്രൂഷ നൽകി വിട്ടയിച്ചു.
വരും ദിവസങ്ങളിലും ശക്തമായ മഴ; മൂന്ന് ജില്ലകളിൽ യെല്ലോ അലർട്ട്
തിരുവനന്തപുരം: സംസ്ഥാനത്ത് വരും ദിവസങ്ങളിലും ശക്തമായ മഴയ്ക്ക് സാധ്യതയെന്ന് കാലാവസ്ഥ വകുപ്പിന്റെ...
