വീട് കയറി ആക്രമണം നടത്തിയ മുൻ കൊലപാത കേസിലെ പ്രതി അറസ്റ്റിൽ

കിളിമാനൂർ: മദ്യലഹരിയിൽ രാത്രി വീടുകയറി ആക്രമം നടത്തിയ മുൻ കൊലപാതക കേസ് പ്രതിയെ നഗരൂർ പൊലീസ് അറസ്റ്റു ചെയ്തു.തണ്ണിക്കോണം വിളയിൽക്കട വിശ്വകമൽ വീട്ടിൽ അജീഷ് (31) ആണ് പിടിയിലായത്. നഗരൂർ നെടുമ്പറമ്പ് രാജധാനി കോളേജ് നു സമീപം പുണർതം വീട്ടിൽ താമസിക്കുന്ന ബിനുവിന്റെ വീട്ടിൽ ശനിയാഴ്ച രാത്രി 11മണിയോടെ പ്രതി അതിക്രമിച്ചു കയറി വീടിന്റെ ജനൽ ചില്ല് അടിച്ചു പൊട്ടിക്കുകയും ഭീകരാന്തരീക്ഷം സൃഷ്ടിക്കുകയും ചെയ്ത ചെയ്യുകയുമായിരുന്നു. ബിനുവും അജീഷും തമ്മിലുള്ള പഴയകാല അടിപിടി കേസിന്റെ മുൻവിരോധത്താലാണ് പ്രതി അക്രമം നടത്തിയതെന്ന് പൊലീസ് പറഞ്ഞു. തണ്ണിക്കോണം സ്വദേശിയായ യുവാവിനെ കുത്തിക്കൊന്ന കേസിലും , കടവിള സ്വദേശിയായ യുവാവിനെ വെട്ടി പരിക്കേൽപിച്ച കേസിലും , കഞ്ചാവ് കേസിലും പ്രതിയാണ് അജീഷ് . നഗരൂരിലെ യൂത്ത് കോൺഗ്രസിന്റെ പരിപാടികളിൽ സജീവ സാന്നിധ്യവുമാണ് അജീഷ് .