തൊഴിലുറപ്പ് മേഖലയെ തകർക്കാനുള്ള കേന്ദ്ര സർക്കാർ തീരുമാനങ്ങൾ പിൻവലിക്കണമെന്നവശ്യപ്പെട്ടു കൊണ്ട് എൻ ആർ ഇ ജി വർക്കേഴ്സ് യൂണിയന്റെ നേതൃത്വത്തിൽ തൊഴിലാളികൾ വാർഡുകളിൽ പ്രതിഷേധ പ്രകടനം നടത്തി.
ആഗസ്റ്റ് ഒന്നു മുതൽ ഒരു പഞ്ചായത്തിൽ 20 പ്രവർത്തികൾ മാത്രമേ ഒരു സമയം എടുക്കാൻ പാടുള്ളൂ എന്ന കേന്ദ്രസർക്കാർ ഉത്തരവ് പിൻവലിക്കുക.
പണിയായുധങ്ങളുടെ വാടക നിർത്തലാക്കിയ ഉത്തരവ് പിൻവലിക്കുക.
ലേബർ ബഡ്ജറ്റ് വെട്ടിച്ചുരുക്കി പദ്ധതിയെ തകർക്കാനുള്ള കേന്ദ്രസർക്കാർ നീക്കം ഉപേക്ഷിക്കുക. എന്നീ ആവശ്യങ്ങൾ ഉന്നയിച്ചു കൊണ്ടാണ് തൊഴിലാളികൾ പ്രതിഷേധിച്ചത്.
എൻ ആർ ഇ ജി വർക്കേഴ്സ് യൂണിയന്റെ ആറ്റിങ്ങൽ ഏരിയ കമ്മിറ്റിയുടെ നേതൃത്വത്തിൽ ഏരിയിലെ എല്ലാ വാർഡുകളിലും പ്രതിഷേധ പ്രകടനം നടത്തി. വിവിധ വാർഡുകളിൽ യൂണിയൻ ജില്ലാ പ്രസിഡന്റ് അഡ്വ. ഷൈലജ ബീഗം, ഏരിയ പ്രസിഡന്റ് പി സി ജയശ്രീ, ഏരിയ സെക്രട്ടറി എസ് പ്രവീൺ ചന്ദ്ര, ജില്ലാ കമ്മിറ്റി അംഗങ്ങളായ, പി മുരളി, ആർ സരിത, ഏരിയാ ട്രഷറർ വക്കം സുനിൽ, ഏരിയ കമ്മിറ്റി അംഗങ്ങളായ
ഹരീഷ് ദാസ്, ദീപം, സജിത്ത് ഉമ്മർ, നിസാർ, രാധിക പ്രദീപ്, ഷീല, നൗഷാദ്, ലിജാ ബോസ്, വിജയ് വിമൽ എന്നിവർ നേതൃത്വം നൽകി.
