ആറ്റിങ്ങൽ: അഭിധ രംഗ സാഹിത്യ വീഥിയുടെ നേതൃത്വത്തിൽ ഡോ.ആർ.മനോജ് സ്മൃതി പുസ്തക ശേഖരം നഗരസഭ ലൈബ്രറിക്ക് കൈമാറി. അഭിധയുടെ സ്ഥാപകനും കവിയും കോളേജ് അധ്യാപകനും ആയിരുന്ന ഡോ.ആർ.മനോജിൻ്റെ സ്മൃതി ദിനാചരണത്തിൻ്റെ ഭാഗമായാണ് പുസ്തകം ശേഖരിച്ച് കൈ മാറിയത്. സാഹിത്യ കൃതികളും അക്കാദമിക ഗ്രന്ഥങ്ങളും അടക്കം 116 പുസ്തകങ്ങൾ ആണ് സംഭാവന ചെയ്തത്. നഗരസഭാ ചെയർപേഴ്സൺ അഡ്വ.എസ്.കുമാരി കവി വിജയൻ പാലാഴി യിൽ നിന്നും പുസ്തകം ഏറ്റു വാങ്ങി. അജിത് മുനി, എസ്.രാധ ബാബു, വിജു കൊന്നമൂട്, മനു ആറ്റിങ്ങൽ എന്നിവർ സംസാരിച്ചു.
