വക്കം: വീടിന് മുന്നിൽ ചുറ്റുമതിലും ഇലക്ട്രിക് പോസ്റ്റും തകർന്നു വീണു. കഴിഞ്ഞ ദിവസങ്ങളിൽ പെയ്ത ശക്തമായ മഴയിൽ വീടിന്റെ ചുറ്റുമതിൽ സമീപത്തെ വീടിനു മുൻവശത്തു തകർന്നു വീഴുകയായിരുന്നു. ആളപായമില്ല. തിനവിള ചിറമൂല, സുനിതയുടെ വീടിന്റെ ചുറ്റുമതിലാണ്, സമീപത്തെ വീടിന്റെ മുൻവശത്തു തകർന്നു വീണത്.
പത്തടി ഉയരവും, ഇരുപ്പത്തിയെട്ടു മീറ്റർ നീളവുമുള്ള, നാലുവർഷം മുൻപ് കെട്ടിയ മതിലാണ് കഴിഞ്ഞ ദിവസം തകർന്നു വീണത്. സമീപത്തെ വീടിനു ചുറ്റ് മതിലുമായി അകലമുള്ളത് കൊണ്ടാണ് സമീപത്തെ വീടിനു കാര്യമായ നാശനഷ്ടമൊന്നും ഉണ്ടാകാതെയിരുന്നത്. മതിൽ തകർന്നു വീഴുന്ന വലിയ ശബ്ദം കേട്ട് സമീപവാസികൾ നോക്കുമ്പോൾ ചുറ്റ് മതിലിനോട് ചേർന്നു നിന്ന് ഇലക്ടിക് പോസ്റ്റും ഇവരുടെ വീട്ടിലേക്ക് പതിക്കുകയായിരുന്നു. ഉടൻ തന്നെ കെ.എസ്. ഇ.ബി അധികൃതരെ അറിയിക്കുകയും വൈദ്യുതി ബന്ധം വിച്ഛേദിക്കുകയും ചെയ്തു.
