കിളിമാനൂർ: ശക്തമായ മഴക്കൊപ്പം എത്തിയ കാറ്റിൽ നിർധന വീട്ടമ്മയുടെ വീട് തകർന്നു. ആൽത്തറമൂട് തണ്ണിക്കോണം സ്വദേശിനി സുശീലയുടെ കാട്ടിൽവീട് എന്ന വീടാണ് ഭാഗികമായി തകർന്നത്. ബുധനാഴ്ച രാത്രിപെയ്ത മഴയിലാണ് വീട് തകർന്നത്. ഈ സമയം സുശീല വീട്ടിലുണ്ടായിരുന്നെങ്കിലും അടുക്കളഭാഗം മാത്രം തകർന്നതിനാൽ ആളപായമുണ്ടായില്ല. ആകെയുള്ള കിടപ്പാടം തകർന്നതോടെ ഇനി അന്തിയുറങ്ങാൻ എവിടെ പോകുമെന്ന് അറിയാതെ വിഷമിക്കുകയാണ് സുശീല. നഗരൂർ പഞ്ചായത്ത് വൈസ് പ്രസിഡന്റ് അബി ശ്രീരാജ് സുശീലയുടെ വീട്ടിലെത്തി പരിശോധന നടത്തി. റവന്യൂ അധികാരികളുമായി സംസാരിച്ച് നിർധന വീട്ടമ്മക്ക് നഷ്ടപരിഹാരം നല്കാനുള്ള ഇടപെടൽ നടത്തുമെന്ന് അബി ശ്രീരാജ് അറിയിച്ചു.

കോവളം തീരത്ത് അടിഞ്ഞ പ്ലാസ്റ്റിക് തരികൾ നീക്കുന്നതിടെ സിവിൽ ഡിഫൻസ് ജീവനക്കാർക്ക് അസ്വസ്ഥത, ചികിത്സ തേടി
തിരുവനന്തപുരം: കൊച്ചിയുടെ പുറം കടലിൽ മുങ്ങിയ എംഎസ് സി എൽസ 3 ചരക്ക് കപ്പലിലുള്ള കണ്ടെയ്നറിനൊപ്പം...