സംസ്ഥാനത്തിന്റെ തീരപ്രദേശങ്ങളില് ഇന്ന് കള്ളക്കടല് പ്രതിഭാസത്തിന് സാധ്യതയെന്ന് ദേശീയ സമുദ്രസ്ഥിതി പഠന ഗവേഷണ കേന്ദ്രം അറിയിച്ചു. കണ്ണൂര്-കാസര്കോട് (വളപ്പട്ടണം മുതല് ന്യൂ മാഹി വരെ, കുഴത്തൂര് മുതല് കോട്ടക്കുന്ന് വരെ), കൊല്ലം (ആലപ്പാ്? മുതല് ഇടവ വരെ), കോഴിക്കോട് (ചോമ്പാല മുതല് രാമനാട്ടുകരവരെ), മലപ്പുറം (കടലുണ്ടിനഗരം മുതല് പാലപ്പെട്ടിവരെ) തീരങ്ങളില് 0.3 മുതല് 0.7 മീറ്റര് വരെ ഉയര്ന്ന തിരമാലകള് കാരണം കടലാക്രമണ സാധ്യതയുണ്ട്.
തിരുവനന്തപുരം (കാപ്പില് മുതല് പൂവാര് വരെ) തീരങ്ങളില് 0.6 മുതല് 0.9 മീറ്റര് വരെയും ആലപ്പുഴ (ചെല്ലാനം മുതല് അഴീക്കല് ജെട്ടിവരെ), തൃശൂര് (ആറ്റുപുറം മുതല് കൊടുങ്ങല്ലൂര്വരെ), എറണാകുളം (മുനമ്പം മുതല് മറുവക്കാട് വരെ) തീരങ്ങളില് രാവിലെ 8.30 മുതല് രാത്രി 11.30 വരെ കള്ളക്കടല് പ്രതിഭാസത്തിന്റെ ഭാഗമായി 0.3 മുതല് 0.6 മീറ്റര് വരെ ഉയര്ന്ന തിരമാലകള് കാരണം കടലാക്രമണത്തിന് സാധ്യതയുണ്ട്.
