വർക്കല മുത്താനയിൽ 22കാരിയെ മാനഭംഗപ്പെടുത്താൻ ശ്രമം. ശനിയാഴ്ച രാവിലെ 9 നും 9.30നും ഇടയിൽ ആണ് സംഭവം. കുളിക്കാനും തുണി നനയ്ക്കാനും ആയി ബന്ധു വീട്ടിൽ വന്നത് ആയിരുന്നു പെൺകുട്ടി.
ബന്ധു ജോലിക്കായി പോകുന്നത് കൊണ്ട് ആ വീട്ടിൽ ആരും ഇല്ലായിരുന്നു. ബന്ധു വീടിന് അടുത്തുള്ള ചെറിയ കുളത്തിലേക്ക് വന്ന കുട്ടിയെ അപരിചിതൻ ആയ ഒരാൾ ഇസ്മായിൽ ന്റെ മകൾ അല്ലേ എന്നും അദ്ദേഹം എവിടെ പോയെന്നും ചോദിച്ചു തിരിച്ചു പോവുകയും ചെയ്തു. എന്നാൽ വീണ്ടും കുറച്ചു സമയം കഴിഞ്ഞപ്പോൾ ഇയാൾ വീണ്ടും വരികയും കുട്ടിയെ ഉപദ്രവിക്കുകയും വസ്ത്രങ്ങൾ വലിച്ചു കീറുകയും ചെയ്തു. കുട്ടിയുടെ കൈകൾ കൂട്ടി കെട്ടുകയും വായിൽ ഷ്വാൾ കുത്തി കയറ്റുകയും ചെയ്ത നിലയിലാണ് പെൺകുട്ടിയെ കണ്ടെത്തിയത്.
ഉപദ്രവിക്കുന്നതിനിടയിൽ പെൺകുട്ടിയുടെ തല ശക്തമായി ഭിത്തിയിൽ ഇടിക്കുകയും തല പൊട്ടുകയും ചെയ്തിട്ടുണ്ട്. നേരം ഒരുപാട് ആയിട്ടും കുട്ടിയെ കാണാത്തത് കൊണ്ട് തിരക്കിയെത്തിയ മാതാവ് കുട്ടി ബോധരഹിതയായി കിടക്കുന്നത് ആണ് കണ്ടത്. കുട്ടിയെ പാരിപ്പള്ളി മെഡിക്കൽ കോളജിൽ പ്രവേശിപ്പിച്ചു. പ്രഥമ ശുശ്രൂഷ നൽകിയശേഷം തിരുവനന്തപുരം മെഡിക്കൽ കോളജിലേക്ക് മാറ്റി. സംഭവസമയത്ത് ആ പ്രദേശത്തു അസ്വാഭാവികമായി കണ്ട നാലു പേർ പോലീസ് കസ്റ്റഡിയിലാ ണെന്ന് പോലീസ് അറിയിച്ചു.
