കോട്ടയം: റബര് വില റെക്കോര്ഡ് നിലവാരത്തില്. ആഭ്യന്തര റബര് വില വീണ്ടും കിലോഗ്രാമിന് 276 രൂപ എന്ന എക്കാലത്തെയും റെക്കോര്ഡ് വിലയില് എത്തിയിരിക്കുകയാണ്. കഴിഞ്ഞ മാസം 17ന് ആണ് ആര്എസ്എസ് 4 വില 276 രൂപയില് എത്തിയത്.
30ന് 268 രൂപയിലേക്ക് ഇടിഞ്ഞ വില വീണ്ടും ഉയരുകയായിരുന്നു. മാര്ക്കറ്റിലെ ചരക്കുക്ഷാമമാണ് വില വര്ധനയ്ക്കു കാരണം. പ്രധാന റബര് ഉല്പ്പാദക രാജ്യങ്ങളായ തായ്ലന്ഡ്, ഇന്തോനേഷ്യ, മലേഷ്യ എന്നിവിടങ്ങളില് ഉണ്ടായ ഉല്പ്പാദനത്തിലെ കുറവു കാരണം രാജ്യാന്തര വില ഉയരുന്നതും മറ്റൊരു കാരണമായി ചൂണ്ടിക്കാണിക്കുന്നു. വെള്ളിയാഴ്ച ബാങ്കോക്ക് മാര്ക്കറ്റില് ആര്എസ്എസ്-4 വില കിലോഗ്രാമിന് 286.51 രൂപയായിരുന്നു.
