പ്രവേശനോത്സവത്തിന് ഒന്നാം ക്ലാസ്സുകർക്ക് ഇരിപ്പിടമില്ലാതിരുന്ന സാഹചര്യത്തിൽ സുമനസ്സുകളുടെ സഹായത്തോടെ ആലംകോട് ഗവ: എൽപിഎസിൽ സ്റ്റഡി ടേബിളും കസേരകളും ലഭിച്ചു. പുതുതായി ചാർജ്ജെടുത്ത ഹെഡ്മിസ്ട്രസ് റീജാ സത്യനും ,അദ്ധ്യാപകരും , മുൻ എച്ച് എം സോഫിയയും കൗൺസിലർ നജാമിൻ്റെയും നേതൃത്വത്തിൽ നാട്ടുകാരോട് സഹായം അഭ്യർത്ഥിച്ചിരുന്നു . ഹൈമ ജുവല്ലറി, പേപ്പർമാർട്ട്, അറേബ്യൻ ജുവല്ലറി, അക്ബർ ഷാ, ഇബ്രാഹിം, ഡ്യൂറോ ഫർണിച്ചർ എന്നിവരാണ് ആദ്യഘട്ടത്തിൽ സ്കൂളിന് സൗകര്യമൊരുക്കിയത് . ആലംകോട് ഗവ.എൽ പി എസ്സിൻ്റെ പഴയ പ്രതാപം വീണ്ടെടുത്ത് ജില്ലയിലെ ആദ്യ സ്ഥാനം ഉറപ്പിക്കുകയാണ് അധ്യാപകരുടെ ലക്ഷ്യമെന്ന് പ്രഥമാധ്യാപിക റീജ സത്യൻ പറയുന്നു.
ആവശ്യങ്ങൾ ഏറെയുണ്ട് അതിനായി ഉദാരമതികളായ നാട്ടുകാരുടെയും പൂർവ്വ വിദ്യാർത്ഥികളുടെയും മികച്ച പിൻതുണ കിട്ടുമെന്ന പ്രതീക്ഷയിലാണ് സ്കൂൾ അധികൃതർ.
