കടയ്ക്കാവൂരിൽ സ്കൂളിന് മുന്നിലായി മാലിന്യം ശേഖരിക്കുന്നതിനെതിരെ പരാതിയുമായി സ്കൂൾ അധികൃതർ. യാക്കോബ് ലെബ്ബ മെമ്മോറിയൽ അപ്പർ പ്രൈമറി സ്കൂളിന് മുന്നിലായാണ് കടയ്ക്കാവൂർ പഞ്ചായത്ത് മാലിന്യം ശേഖരിക്കുന്നത്.
മാലിന്യം ശേഖരിണത്തിനെ തുടർന്ന് ഈച്ച, കൊതുക് എന്നിവയുടെ ശല്യം ക്ലാസ് മുറികളിൽ വർദ്ധിക്കുന്നുണ്ടെന്നും സ്കൂൾ ഗ്രൗണ്ടിൽ നായ്ക്കളുടെ ശല്യം വർദ്ധിക്കുന്നുണ്ടെന്നും സ്കൂൾ അധികൃതർ പരാതി നൽകി.
എത്രയും പെട്ടന്ന് ഇതിനനുബന്ധിച്ചുള്ള നടപടി എടുക്കണമെന്ന് പഞ്ചായത്ത് സെക്രട്ടറിയോട് സ്കൂൾ അധികൃതർ ആവശ്യപ്പെട്ടു.
