തൃശൂർ: അടിമാലിയിൽ പത്താംക്ലാസുകാരിയെ ഗർഭിണിയാക്കിയ രണ്ടാനച്ഛൻ പിടിയിൽ. തൃശൂരിൽവച്ചാണ് പ്രതി പിടിയിലായത്. കുട്ടിയെ ആശുപത്രിയിലെത്തിച്ച് മുങ്ങുകയായിരുന്നു പ്രതി. വയറുവേദന എന്ന പേരിൽ ആശുപത്രിയിൽ എത്തിച്ചപ്പോഴാണ് പെൺകുട്ടി ഗർഭിണിയാണെന്ന വിവരം പുറത്തറിഞ്ഞത്. ഏതാനും നാളുകളായി രണ്ടാനച്ഛൻ തന്നെ പീഡിപ്പിക്കുകയായിരുന്നു എന്നാണ് പെൺകുട്ടി പൊലീസിന് മൊഴി നൽകിയത്.
വ്യാഴാഴ്ചയാണ് പെൺകുട്ടിയെ കടുത്ത വയറുവേദനയെ തുടർന്ന് അടിമാലിയിലെ ആശുപത്രിയിൽ പ്രവേശിപ്പിക്കുന്നത്. തുടർന്ന് നടത്തിയ പരിശോധനയിലാണ് പെൺകുട്ടി മൂന്ന് മാസം ഗർഭിണിയാണെന്ന് അറിയുന്നത്. ഉടനെ തന്നെ ഡോക്ടർമാർ പൊലീസിനെ വിവരം അറിയിച്ചു. പൊലീസ് എത്തി പെൺകുട്ടിയുടെ മൊഴി എടുക്കുന്ന സമയം രണ്ടാനച്ഛൻ ആശുപത്രിയിൽ നിന്ന് കടന്ന് കളയുകയായിരുന്നു.
