കണ്ണൂര്: തളിപ്പറമ്പ് താലൂക്ക് ആശുപത്രിയില് സ്ത്രീയെ പാമ്പ് കടിച്ചു. ചെമ്പേരി സ്വദേശി ലതയെയാണ് അണലി കടിച്ചത്. ലത അപകടനില തരണം ചെയ്തതായി ആശുപത്രി വൃത്തങ്ങള് അറിയിച്ചു. ആശുപത്രിലെ പേ വാര്ഡില് അര്ദ്ധരാത്രിയാണ് സംഭവം. പ്രസവത്തിന് മകള്ക്ക് കൂട്ടിരിക്കാന് എത്തിയതാണ് ലത. പേ വാര്ഡില് നിലത്ത് കിടക്കുമ്പോഴാണ് അണലിയുടെ കടിയേറ്റത്.
പാമ്പ് കടിയേറ്റ ലതയെ ഉടന് തന്നെ വിദഗ്ധ ചികിത്സയ്ക്കായി പരിയാരം മെഡിക്കല് കോളജിലേക്ക് കൊണ്ടുപോയി. ലതയെ കടിച്ച അണലി പാമ്പിനെ ആശുപത്രിയില് ഉണ്ടായിരുന്നവര് തല്ലിക്കൊന്നു.
