റിയാദ്: മെസിയും ക്രിസ്റ്റിയാനോയും കളിക്കളത്തില് നേര്ക്കുനേര് വരുന്നത് എന്നും ഫുട്ബോള് ലോകത്തിന് ആവേശ കാഴ്ചയാണ്. എന്നാലിപ്പോള് ഒരാള് യൂറോപ്പിലും മറ്റേയാള് ഏഷ്യയിലുമാണ്.എങ്കിലും മെസിയും ക്രിസ്റ്റ്യാനോയും നേര്ക്കുനേര് വരുന്ന മത്സരം ഒരിക്കല് കൂടി ആരാധകര്ക്ക് കാണാനായേക്കും. സൗദി അറേബ്യയില് വെച്ച് നടക്കുന്ന സൗഹൃദ മത്സരത്തില് പിഎസ്ജിയും അല് നസറും ഏറ്റുമുട്ടും എന്നാണ് സൂചനകള്. ജനുവരി 19നാണ് മത്സരം എന്നാണ് റിപ്പോര്ട്ടുകള്. അല് നസര്, അല് ഹിലാല് ടീമുകളില് നിന്നുള്ള കളിക്കാരെ ഉള്പ്പെടുത്തിയുള്ള ഇലവന് ആയിരിക്കും പിഎസ്ജിക്കെതിരെ ഇറങ്ങുക.
