അലനയുടെ സ്പിന്നില്‍ കുരുങ്ങി ഇംഗ്ലണ്ട്; വനിതാ ആഷസ് ഉറപ്പിച്ച് ഓസ്‌ട്രേലിയ

Jan 14, 2025

മെല്‍ബണ്‍: തുടരെ രണ്ടാം പോരാട്ടത്തിലും ഇംഗ്ലണ്ട് വനിതകളെ വീഴ്ത്തി ഓസ്‌ട്രേലിയന്‍ വനിതാ ടീം ആഷസ് ഏകദിന പരമ്പര ഉറപ്പിച്ചു. മൂന്ന് മത്സരങ്ങളടങ്ങിയ പരമ്പരയില്‍ 2-0ത്തിനു ഓസീസ് മുന്നില്‍. രണ്ടാം മത്സരത്തില്‍ 21 റണ്‍സ് ജയമാണ് ഓസ്‌ട്രേലിയ ആഘോഷിച്ചത്.

ആദ്യം ബാറ്റ് ചെയ്ത ഓസ്‌ട്രേലിയ 44.3 ഓവറില്‍ 180 റണ്‍സിനു പുറത്തായി. ജയം തേടിയിറങ്ങിയ ഇംഗ്ലണ്ടിന്റെ പോരാട്ടം 48.1 ഓവറില്‍ 159 റണ്‍സിനു എല്ലാവരും പുറത്തായി.

ആദ്യ മത്സരത്തെ അപേക്ഷിച്ച് രണ്ടാം പോരാട്ടത്തില്‍ ഓസീസ് സ്‌കോര്‍ 200 കടക്കാന്‍ അനുവദിക്കാതെ പിടിച്ചു കെട്ടാന്‍ ഇംഗ്ലീഷ് വനിതകള്‍ക്കു സാധിച്ചു. എന്നാല്‍ അതേ നാണയത്തില്‍ മിന്നും ബൗളിങ്ങുമായി ഓസീസ് വനിതകളും കളം വാണതോടെ ഇംഗ്ലണ്ടിനു കാലിടറി.

10 ഓവറില്‍ 25 റണ്‍സ് മാത്രം വഴങ്ങി 4 വിക്കറ്റുകള്‍ വീഴ്ത്തിയ അലന കിങിന്റെ ബൗളിങാണ് ഇംഗ്ലീഷ് വനിതകളെ വെട്ടിലാക്കിയത്. 10 ഓവറില്‍ 37 റണ്‍സ് വഴങ്ങി 3 വിക്കറ്റുകള്‍ വീഴ്ത്തി കിം ഗാര്‍തും മികവ് പുലര്‍ത്തി. മെഗാന്‍ ഷുറ്റ്, ആഷ്‌ലി ഗാര്‍ഡ്‌നര്‍ എന്നിവര്‍ ഓരോ വിക്കറ്റുകള്‍ വീഴ്ത്തി. ഇംഗ്ലണ്ടിനായി അമി ജോണ്‍സ് 47 റണ്‍സുമായി പുറത്താകതെ നിന്നു പൊരുതിയെങ്കിലും അതു വിജയിക്കാന്‍ പര്യാപ്തമായില്ല. 35 റണ്‍സെടുത്ത നാറ്റ് സീവര്‍ ബ്രാന്‍ഡും പിടിച്ചു നിന്നു. മറ്റൊരാളും തിളങ്ങിയില്ല.

നേരത്തെ എല്ലിസ് പെറിയുടെ അര്‍ധ സെഞ്ച്വറിയാണ് ഓസീസിനെ രക്ഷിച്ചത്. താരം 60 റണ്‍സെടുത്തു. ഓപ്പണര്‍മാരായ പോബ് ലിച്ഫീല്‍ഡ്, ക്യാപ്റ്റന്‍ അലിസ്സ ഹീലി എന്നിവര്‍ 29 റണ്‍സ് വീതമെടുത്തു മികച്ച തുടക്കം നല്‍കി. മറ്റാരും കാര്യമായ സംഭവാന നല്‍കിയില്ല.

ഇംഗ്ലണ്ടിനായി സോഫി എക്ലസ്റ്റോണ്‍ 4 വിക്കറ്റുകള്‍ സ്വന്തമാക്കി. അലിസ് കാപ്‌സി മൂന്നും ലോറന്‍ ബെന്‍ രണ്ട് വിക്കറ്റും ലോറന്‍ ഫിലര്‍ ഒരു വിക്കറ്റും നേടി.

LATEST NEWS
യുഎഇയിൽ നൂറിലധികം സ്റ്റാഫ്‌ നഴ്‌സ് ഒഴിവുകള്‍; നോർക്ക റൂട്ട്‌സ് റിക്രൂട്ട്‌മെന്റിലേക്ക് അപേക്ഷിക്കാം

യുഎഇയിൽ നൂറിലധികം സ്റ്റാഫ്‌ നഴ്‌സ് ഒഴിവുകള്‍; നോർക്ക റൂട്ട്‌സ് റിക്രൂട്ട്‌മെന്റിലേക്ക് അപേക്ഷിക്കാം

അബുദാബി: യുണൈറ്റഡ് അറബ് എമിറേറ്റ്‌സിലെ (യു.എ.ഇ.) അബുദാബി കേന്ദ്രമായി പ്രവര്‍ത്തിക്കുന്ന ആരോഗ്യ...

വക്കം പഞ്ചായത്തിന്റെയും വക്കം റൂറൽ ഹെൽത്ത് സെന്ററിന്റെയും ആഭിമുഖ്യത്തിൽ പാലിയേറ്റീവ് കെയർ യൂണിറ്റിന്റെ കുടുംബ സംഗമം

വക്കം പഞ്ചായത്തിന്റെയും വക്കം റൂറൽ ഹെൽത്ത് സെന്ററിന്റെയും ആഭിമുഖ്യത്തിൽ പാലിയേറ്റീവ് കെയർ യൂണിറ്റിന്റെ കുടുംബ സംഗമം

വക്കം : വക്കം പഞ്ചായത്തിന്റെയും വക്കം റൂറൽ ഹെൽത്ത് സെന്ററിന്റെയും ആഭിമുഖ്യത്തിൽ പാലിയേറ്റീവ് കെയർ...