സ്കൂൾ കെട്ടിടത്തിന് മുകളിൽ നിന്ന് വീണ് വിദ്യാർഥിക്ക് പരിക്ക്

ആറ്റിങ്ങൽ ഗവ: ഗേൾസ് ഹയർസെക്കൻ്ററി സ്കൂളിലെ പത്താം ക്ലാസ് വിദ്യാർഥിനിയാണ് ബഹുനില കെട്ടിടത്തിൻ്റെ ഒന്നാം നിലയിൽ നിന്ന് താഴേക്ക് വീണത്. ഇന്ന് ഉച്ചയോടെയാണ് സംഭവം.

വീഴ്ചയിൽ കാര്യമായി പരിക്കേറ്റ വിദ്യാർഥിനിയെ ആദ്യം വലിയകുന്ന് താലൂക്ക് ആശുപത്രിയിൽ എത്തിച്ചു. പ്രാഥമിക ചികിത്സ നല്കിയ ശേഷം വിദഗ്ധ പരിശോധനയും ചികിത്സയും മുൻനിർത്തി കുട്ടിയെ തിരുവനന്തപുരത്തെ സ്വകാര്യ ആശുപത്രിയിൽ പ്രവേശിപ്പിച്ചു.