കോവളത്ത് തെരുവുനായ ആക്രമണം. ഇതര സംസ്ഥാന തൊഴിലാളി ഉള്പ്പെടെ നിരവധി പേര്ക്ക് കടിയേറ്റു. കോവളം തീരത്തുവെച്ചാണ് നായകളുടെ ആക്രമണം ഉണ്ടായത്. ബീച്ചില് ലോട്ടറി വില്പ്പന നടത്തുന്ന സുകു, കളിപ്പാട്ട കട നടത്തുന്ന മുത്താര് തുടങ്ങി നിരവധി പേര്ക്കാണ് ആക്രമണത്തില് പരിക്കേറ്റത്. സഞ്ചാരികളായി എത്തിയ കുട്ടികള് ഉള്പ്പെടെയുള്ളവര്ക്കും കടിയേറ്റതായി പ്രദേശവാസികള് പറഞ്ഞു. അതേസമയം, സംസ്ഥാനത്ത് 11 പേര്ക്ക് ഇന്ന് തെരുവ് നായയുടെ അക്രമത്തില് കടിയേറ്റതായി റിപ്പോര്ട്ട് ചെയ്തിരുന്നു. വടകരയില് ഏഴ് പേര്ക്കും തളിപ്പറമ്പില് മൂന്ന് പേര്ക്കും തൃശൂരില് ഒരാള്ക്കുമാണ് ഇന്ന് നായയുടെ ആക്രമണം ഉണ്ടായത്. വടകര നഗരത്തിലും പരിസര പ്രദേശങ്ങളിലും തെരുവ് നായ ശല്യം രൂക്ഷമാണ്. വടകരയില് രണ്ട് വിദ്യാര്ഥികള്ക്കും മറ്റ് അഞ്ച് പേര്ക്കുമാണ് കടിയേറ്റത്.
നാളെ അറിയാം കേരളത്തിന്റെ മുഖ്യമന്ത്രിയെ; ചര്ച്ചകള് പൂര്ത്തിയായി
ന്യൂഡല്ഹി: ആരാകും അടുത്ത മുഖ്യമന്ത്രി എന്ന് അറിയാന് രാവിലെ മുതല് കേരളം ആകാംക്ഷയോടെ ഉറ്റുനോക്കി...
