ഇടവ റെയിൽവെ സ്റ്റേഷന് സമീപം ട്രെയിൻ തട്ടി വീട്ടമ്മ മരിച്ചു

ഇടവ റെയിൽവെ സ്റ്റേഷന് സമീപം ട്രെയിൻ തട്ടി വീട്ടമ്മ മരിച്ചു. ഇടവ ശ്രീയേറ്റ് സംസം വീട്ടിൽ നിസാമുദ്ദീന്റെ ഭാര്യ സോണിയ (60) ആണ് മരണപ്പെട്ടത്. ഉച്ചയ്ക്ക് 12.20 ഓടെ കൊല്ലം – കന്യാകുമാരി മെമു ട്രെയിൻ തട്ടിയാണ് അപകടം. കുടുബത്തോടൊപ്പം ട്രെയിൻ കയറാൻ സ്റ്റേഷനിലേക്ക് വരവേ സ്റ്റേഷന് ഉദ്ദേശം 100 മീറ്റർ ദൂരത്താണ് അപകടം സംഭവിച്ചത്. ഗുരുതര പരിക്കുകളോടെ വർക്കല ശ്രീനാരായണ മിഷൻ ആശുപത്രിയിൽ എത്തിച്ചെങ്കിലും രക്ഷിക്കാനായില്ല.