മംഗളൂരു: കൊങ്കണ് പാതയില് മണ്ണിടിച്ചിലിനെത്തുടര്ന്ന് ട്രെയിന് ഗതാഗതത്തില് നിയന്ത്രണം. ഏതാനും സര്വീസുകള് റദ്ദാക്കിയതായും വെട്ടിച്ചുരുക്കിയതായും കൊങ്കണ് റെയില്വേ അറിയിച്ചു. കര്വാറില് മുരുഡേശ്വറിനും ഭട്കലിനും ഇടയിലാണ് മണ്ണിടിച്ചിലുണ്ടായത്. അഞ്ചു മണിക്കൂറിനിടെ 403 മില്ലിമീറ്റര് മഴയാണ് ഈ മേഖലയില് പെയ്തത്. പലയിടത്തും ട്രാക്കില് വെള്ളം കയറിയതായും കൊങ്കണ് റെയില്വേ അറിയിപ്പില് പറയുന്നു.
മഡ്ഗാവ് ജങ്ഷന് മംഗളൂരു സെന്ട്രല് സ്പെഷ്യൽ ട്രെയിനാണ് റദ്ദാക്കിയത്.
മംഗളൂരു സെന്ട്രല് – മഡ്ഗാവ് ജങ്ഷന് സ്പെഷ്യൽ ട്രെയിന് ഉഡുപ്പിയില് സര്വീസ് അവസാനിപ്പിച്ചു.
