തിരുവനന്തപുരം: അഗസ്ത്യാര്കൂടം ട്രക്കിംഗിനിടെ ഹൃദയാഘാതത്തെ തുടര്ന്ന് മധ്യവയസ്കന് മരിച്ചു. ചെന്നൈ സ്വദേശി ആര്. രമേശ്(55) ആണ് മരിച്ചത്. ഇന്നലെ വൈകുന്നേരം 4.30ഓടെയാണ് സംഭവം.
മൂന്ന് സുഹൃത്തുക്കള്ക്കൊപ്പമാണ് രമേശ് അഗസ്ത്യാര്കൂടം ട്രക്കിംഗിനായി എത്തിയത്. ബോണക്കാട് ബേസ് ക്യാമ്പില് നിന്ന് 11 കിലോമീറ്റര് അകലെ മുട്ടിടിച്ചാല്തേരിക്ക് സമീപത്ത് വച്ചാണ് രമേശിന് ദേഹാസ്വാസ്ഥ്യം അനുഭവപ്പെട്ടത്. ഉടന് തന്നെ പ്രാഥമിക ചികിത്സ നല്കിയെങ്കിലും മരണപ്പെടുകയായിരുന്നു. തുടര്ന്ന് സുഹൃത്തുക്കളും വനംവകുപ്പ് ഉദ്യോഗസ്ഥരും ചേര്ന്ന് മൃതദേഹം രാത്രിയോടെ ബോണക്കാട് ക്യാമ്പിലെത്തിച്ച ശേഷം വിതുരയിലെ ആശുപത്രിയിലേക്ക് മാറ്റി.
