കേരള സ്റ്റേറ്റ് സെന്റര് ഫോര് അഡ്വാന്സ്ഡ് പ്രിന്റിംഗ് & ട്രെയ്നിംഗിന്റെ തിരുവനന്തപുരം ഡിവിഷനില് ആരംഭിക്കുന്ന ഗവണ്മെന്റ് അംഗീകൃത തൊഴിലധിഷ്ഠിത കോഴ്സുകളില് ഏതാനും സീറ്റുകള് ഒഴിവുണ്ട്. ഡിപ്ലോമ ഇന് കംപ്യൂട്ടര് ഹാര്ഡ് വെയര് ആന്റ് നെറ്റ് വര്ക്കിംഗ്, ഡിപ്ലോമ ഇന് മള്ട്ടിമീഡിയ, ഡിപ്ലോമ ഇന് കംപ്യൂട്ടര് ആപ്ലിക്കേഷന്സ് എന്നീ കോഴ്സുകളിലാണ് ഒഴിവ്.
പട്ടികജാതി, പട്ടികവര്ഗ്ഗ, മറ്റ് അര്ഹ വിദ്യാര്ത്ഥികള് എന്നിവര്ക്ക് ഫീസ് സൗജന്യമാണ്. സ്റ്റൈപ്പന്റും ലഭിക്കും. ഒ.ബിസി, എസ്.ഇ ബി.സി, മുന്നാക്ക വിഭാഗങ്ങളിലെ സാമ്പത്തികമായി പിന്നാക്കം നില്ക്കുന്ന വിദ്യാര്ത്ഥികള് എന്നിവര്ക്ക് വരുമാന പരിധിയ്ക്ക് വിധേയമായി ഫീസ് സൗജന്യമായിരിക്കും.
താല്പ്പര്യമുള്ളവര് വിദ്യാഭ്യാസ യോഗ്യത, ജാതി, വരുമാനം എന്നിവ തെളിയിക്കുന്ന അസ്സല് സര്ട്ടിഫിക്കറ്റുകള്, സാക്ഷ്യപ്പെടുത്തിയ പകര്പ്പുകള്, പാസ്പോര്ട്ട് സൈസ് ഫോട്ടോ എന്നിവ സഹിതം നേരിട്ട് ഹാജരാകണമെന്ന് മാനേജിംഗ് ഡയറക്ടര് അറിയിച്ചു. കൂടുതല് വിവരങ്ങള്ക്ക്- 0471 2474720, 0471 2467728. വെബ്സൈറ്റ്: www.captkerala.com.
