ആളൊഴിഞ്ഞ പറമ്പിൽ തീപിടിത്തം; തീ അണയ്ക്കാൻ ഓടിക്കൂടിയ നാട്ടുകാർ കണ്ടത് ഞെട്ടിപ്പിക്കുന്ന കാഴ്ച

വർക്കല: ആളൊഴിഞ്ഞ പറമ്പിലുണ്ടായ തീപിടിത്തം അണയ്ക്കാനെത്തിയ നാട്ടുകാർ കണ്ടത് കത്തിക്കരിഞ്ഞ മൃതദേഹം. വർക്കല ഹെലിപാടിന് സമീപത്തെ സ്വകാര്യ റിസോർട്ടിന് പുറകുവശത്തെ ആളൊഴിഞ്ഞ പറമ്പിൽ രാവിലെ 5.30ഓടെ തീപിടിത്തം ഉണ്ടായി. ഇത് അണയ്ക്കാൻ നാട്ടുകാർ ശ്രമിക്കുന്നതിനിടെയാണ് കത്തിക്കരിഞ്ഞ മൃതദേഹവും കണ്ടെത്തിയത്. ഫയർ ഫോഴ്സും പോലീസും സ്ഥലത്തെത്തി. മൃതദേഹം വർക്കല താലൂക്ക് ആശുപത്രിയിലേക്ക് മാറ്റി. മൃതദേഹം ആരുടേതാണെന്ന് തിരിച്ചറിഞ്ഞിട്ടില്ല. വർക്കല ഡി വൈ എസ് പി അടക്കമുള്ള പോലീസ് ഉദ്യോഗസ്ഥർ സ്ഥലത്തെത്തി.