ആവണിപുരം ശ്രീ മഹാവിഷ്ണുസ്വാമി ക്ഷേത്രത്തിൽ കർക്കിടക വാവ് ബലിതർപ്പണം

കൊല്ലമ്പുഴ ആവണിപുരം മഹാവിഷ്ണുസ്വാമി ക്ഷേത്രത്തിൽ കർക്കിടക വാവ് ബലിതർപ്പണത്തിനായ് ഒരുക്കങ്ങൾ പൂർത്തിയായി. ക്ഷേത്രത്തിനോട് ചേർന്ന കൊല്ലമ്പുഴ കടവിലാണ് ബലിതർപ്പണം നടത്തുന്നത്. ഈ ഭാഗത്ത് വാമനപുരം നദി കിഴക്കോട്ട് ഒഴുകുകയാണ്. കൂടാതെ മഹാവിഷ്ണുവിന്റെ പടിക്കൽ ബലിതർപ്പണം നടത്തുന്നത് ശ്രേഷ്ഠമത്രെ. കൊല്ലമ്പുഴ കടവിൽ 17 – 07-2023 തിങ്കൾ രാവിലെ 4 മണിയ്ക്ക് ബലിതർപ്പണ ചടങ്ങുകൾ ആരംഭിയ്ക്കും. ക്ഷേത്രത്തിൽ അന്നേ ദിവസം തിലഹവനം നടത്തുന്നതിനുള്ള സൗകര്യവും ഉണ്ടായിരിക്കുന്നതാണ്.
വിശദ വിവരങ്ങൾക്ക്: 8089413299,8075899035